TACLOBAN CITY – Paslak ha pagkayana an drug personality nga ada ha watchlist han Palompon PNP mahuman nga madakop ha gindumara nga buy bust operation ha Barangay Mazawalo.
Ginkilala an suspek nga hi Marlo Morgia, 48, taga Barangay Central 3, empleyado han gobyerno ngan residente han mao nga lugar.
Nakuha ha mga suspek an lima ka sachet han gintutuuhan nga Shabu ngan mil de pesos.
Sumala kan P/Cinsp. Margarito Salaño, hepe han Palompon PNP, nga tikang ha Cebu an Supply han Iligal nga droga ni Morgia nga kun diin nag-aabang ini hin Pumpboat nga naagi ha Ormoc, Villaba ngan pakadto ha Palompon.
Nabaruan nga natanggal ha Trabaho hi Morgia mahuman ini nga magpositibo ha surprise drug test ha LGU- Palompon.
