Isumat.com/Hunyo 9, 2023
Matigalbong nga mga bunal ngan barubalintuwad ha ere an masasaksihan tikang han bang-giitan nga mga Regu ha bug-os nga Pilipinas dida han 2023 Sepak Takraw National Open ha Robinsons North, Abucay, Tacloban City, Hunyo 15-18, 2023.
Sobra 30 nga mga regus an magkaka-aratbang dida han upat ka adlaw nga torneo nga gin-organisar han San Juanico de Tacloban Sepak Takraw Club, Inc ngan gin-aprobaran han Pilipinas Sepaktakraw Association Inc.
Kumpirmado na an partisipasyon han masunod nga mga teams: Bengeut, Baguio City, Palawan, Cordillera Administrative Region, Calbayog City, Dekada Tacloban, BiPSU Biliran, PULSO Northern Samar, Eulogio Amang Rodriguez Institute of Technology-Manila, Cebu City, Taft Eastern Samar, MacArthur Leyte, Davao Occidental ngan Victorias City Negros.
Maapi gihapon an Phil Army Team 1, Phil Army Team 2, Balangiga Eastern Samar, EVSU Main-Tacloban, Tandag City-Sirugao, Victoria Northern Samar Team 1, Victoria Northern Samar Team 2, San Jose del Monte-Bulacan, ASTAS Paranas A, ASTAS Paranas B, Oras Eastern Samar, Liloan-Cebu, San Juanico de Tacloban Sepaktakraw Cluc Inc, SEALS United, Charleton Belande, Abuyog A ngan Abuyog B.
Magkaka-abot ha Tacloban an mga delegasyon dida hiton Hunyo 14 ngan alas 8 han aga, Hunyo 15 an Opening Ceremony ngan masunod dayon an mga asdangay.
Kadam-an nga ex-player ngan current RP Team members in mga kaapi han magkalainlain nga mga regus.
An nasabi nga torneo in iginpapadangat han Sangyaw Foundation, Tacloban City Government, Robinsons North, Pacific Union Insurance, Pilipinas Sepaktakraw Association Inc, Hyundai Phils, Sidglen Builders, Hiraya Tacloban, ROSHIEL, RVDI, Tacloban City Sports Office, SANFILL, Judge Antonio Montilla Elem School ngan iFM-RMN Tacloban. #
