Isumat.com/ Disyembre 20, 2022
Kun waray kapanginano dayon, posible nga naawat an kinabuhi hin usa nga lalaki ha Mahaplag, Leyte nga nagpruweba pag-suicide ug an iya anak nga ginpa-inom niya hin pesticide.
Ha report han Mahaplag Police Office, hira in nakakarawat hin impormasyon mahitungod han insidente ngan ira ini ginkadto ngan nasabtan nga uminom han makahirilo nga pesticide hi Joselito Calusaluyan, 51 anyos ngan residente han Brgy Hiluctugan han mao nga bungto. Ginpa-inom gihapon niya han poison an iya anak nga lalaki nga 7 anyos an edad.
Ini in natabo pasado alas 12 han udto, kakulop, Disyembre 19, 2022 ha ira puy-anan.
Ha inisyal nga imbestigasyon, nag-aantos hin depresyon hi Calusayan kay lumakat ngan waray na bumalik an iya kalungon nga babaye, ngan amo ini an gintutudlok nga rason han iya pagpruweba pagpakamatay.
Kadagmitan gindara ha Rural Health Unit an duha nga biktima basi katagan hin kadagmitan nga aksyon medikal. Igin balhin ha Eastern Visayas Medical Center ha Tacloban an magtala-amay basi igpadayon an pagpa-upay han ira panlawas. #
