Isumat.com/Agosto 5, 2022
Nagsusulwak hin kalipayan ngan pagpasalamat an mga kasingkasing han mag-oyab nga hira Marvin Cabel Nillas ngan Charline Tiquin Juntilla kay hira an nagin numero uno han ginbuhat nga Licensure Examination for Teachers (LET) han Hunyo 2022.
Iginpagawas kakulop han Professionals Regulatory Commission (PRC) an resulta han eksaminasyon. Hi Nillas an nanguna ha Secondary Level ha grado nga 94.00%, samtang hi Juntilla an topnotcher ha Elementary Level pinaagi han iya rating nga 93.40%.
An mag-consuelo in parehas nag-eskwela ngan naka gradwar ha Davao De Oro State University ha Compostela Valley.
Hi Davao de Oro Congresswoman Maricar Zamora in mapaso nga ginlamano an duha nga topnotchers ngan nag-presentar han iya kalugaringon nga magin ninang kun magpakasal na hira Marvin ngan Charline.#
