Isumat.com/Hulyo 3, 2023
Katapos han usa ka bulan nga mga garboso nga pasundayag, kirita-on, mga konsyerto, Pina Festival, Miss Ormoc 2023 ngan iba pa nga aktibidadis ha pagsa-urog han kapatrunan han syudad, iginlatag yana han LGU-Ormoc an pira nga pitad ha panuyo nga magin mahimsog an panlawas ngan mental nga aspeto han mga Ormocanon.
Yana nga bulan han Hulyo, gintitigaman an Nutrition & Wellness Month, ug an LGU-Ormoc in nagtikang na han Laughter Yoga yana nga adlaw, Hulyo 3 tobtob Hulyo 4 ha Ormoc Superdome. An magdudumara hini amo an hi Paolo Trinidad, an gisasyahani ngan nag-uusaan la nga Certified Laughter Yoga Professor ha Pilipinas.
Hi Trinidad an ginpasalida na ha CNN mahitungod han iya kinaadman ha laughter yoga. Ini nga klase hin yoga in moderno nga ehersisyo pinaagi hin boluntaryo nga maiha an pagtinawa. Nagtotoo an mga eksperto nga an boluntaryo nga pagtinawa in naghahatag hin physiological & psychological benefits .
Magkakaada gihapon hin Zumba Sessions ha City Stage kada alas 5:15 hit kulop hiton Hulyo
3,5,7,10, 14,17, 19, 21, 24, 26 ngan 28.
An mga kilalado nga Zin an mangunguna dida han Zumba Sessions.
An mga aktibidadis in aabrihan pinaagi hin Motorcade yana nga adlaw, Hulyo 3, 2023. An iba pa nga mga buruhaton amo an Breath Work (Hulyo 7), Modern Dance Workshop (Hulyo 10-11), panhatag hin vegetable seedlings ha mga empleyado, Hilot Ayo Culminating(Hulyo 21). Mesa ni Misis Healthy Meal (Hulyo 25) ug an Culminating Program (Hulyo 25).
Dida han Hunyo, sapin-sapin an mga aktibidadis dida han syudad, upod na hini an Miss Ormoc 2023, Pina Festival Queen and Grand Showdown, Sing 4th District Kids, mga konsyerto nira Vice Ganda, Marco Siso, Rey Valera, Bituin Escalante, Lyca Gayranod ngan kadam-an pa nga iba.
Nagin bisita gihapon ha dagko nga mga event hira Piolo Pascual, Izza Calzado, James Deakin, Seth Fedelin, ngan iba pa nga celebrities. #
