TACLOBAN CITY – Na aresto ha pinag-usa nga pwersa han Anti drug elements han PDEA-8 ngan 8th MIB, Phil. Army an usa nga drug personality ha gin dumara nga buy-bust operation ha Brgy. 33, P. Burgos St, siyudad han Tacloban.
Ginkilala an suspek nga hi Sarah Basalio y Escorial, 29 anyos, babayi, ngan residente han Palo Leyte.
Nakuha ha posisyon ni Sarah an 4 ka bug-os nga heat-sealed plastic sachet nga mayda sulod nga gintutuuhan nga Shabu nga mayda kabug-at nga 0.6 gram o mayda market value nga nakantidad hin P2,500.00.
Hi Basalio in naatubang yana ha kaso nga pagtalapas han Section 5 (Pagbaligya hin Iligal nga droga), Section 11 (Possession ofDangerous Drugs), ngan Section 12 (Possession of Drug Paraphernalia) ha ilarum han RA 9165.
Temporaryo nga nakapaslak naman an mao nga suspek ha PDEA RO8 Detention Facility.
