received_1494974073881446TACLOBAN CITY – Ginlalamayan na ha pagkayana an usa nga babayi mahuman ini nga pagbun-on patay han iya la mismo umagad ha Brgy. Baruguhay Central Carigara , Leyte.

Ginkilala an biktima kan Concepcion Petallana Brun, 42 anyos ngan residente han mao nga lugar samtang an suspek naman in ginkilala nga hi Jexcel Polito Semeniano, 27 anyos ngan residente han Brgy. Barugohay Norte , Carigara, Leyte.

Subay han imbestigasyon han Carigara PNP, tigda la daw nga umulpot an suspek ha panimalay han biktima ngan tigda hini nga ginbono- bono ha magka durudilain nga parte han lawas gamit an usa nga pisaw.

Nadara pa ha Carigara District Hospital an biktima pero gindeklara na ini nga dead on arrival.

Nabaruan nga sobra nga kapurungton an rasun kun kay ano nga napatay hini an iya ugangan.

received_1494974067214780

Subay ha kapulisan ha Carigara nga diri maupay an nagin pagtagad haiya han iya ugangan nga babaye nga ginsulsulan daw hini an iya asawa nga pumahirayo haiya kaupod na an ira walo kabulan nga anak.

Yana kapot han Carigara PNP an mao nga suspek ngan naatubang ha kaso nga Murder. isumat.com/ Photo courtesy  of: Carigara PNP