Isumat.com/6:45PM, June 3, 2020
Nagkamay-ada na hin positibo nga kaso han corona virus an Tacloban City, an ginkokonsiderar nga regional capital han Eastern Visayas.
Dida han gibabag-uhi nga report han DOH-Regional Office, 29 anyos nga babaye an Positive Case ha Tacloban. Usa hiya nga OFW (seafarer) nga umabot hadton Hunyo 1 pinaagi hin chartered flight. Hapagkayana, aadto hiya hin istrikto nga Isolation.
Ha luyo nga bahin, an Tolosa, Leyte an nag rehistro han ikaduha nga kaso han corona virus. Usa gihapon hiya nga OFW nga umabot ha ira bungto hadton Mayo 25 ngan aadto ha Isolation Center han bungto.
Tungod hini, 47 na katawo an nag positibo han corona virus ha Region 8. Kanina han udto, iginreport han DOH an mga Positive Cases nga bag-o ha Naval, Biliran ngan Villareal, Samar.
Hapagkayana, mayda 1,309 nga Suspected Cases ha aton rehiyon sumala pa han DOH. # (KEVIN SIOSANA)
