Isumat.com/12:30PM, June 3, 2020
Kataliwan han Tarangnan ngan Catbalogan ha probinsya han Samar, an bungto naman han Villareal an may pagtitimangnu-on nga COVID Patient.
Sumala han pahayag han DOH Regional Office, usa nga lalaki nga taga Villareal, Samar an nag positibo han virus. Hiya in lalaki, 43 anyos nga umabot ha ira bungto tikang ha Manila sakay han iya kalugaringon nga behikulo. Nag positibo hiya ha Rapid Test ngan positibo liwat hiya ha laboratory test.
Tikang han iya pag-abot han Mayo 29, deretso na hiya ha Isolation Facility han bungto ngan tobtob yana waray iginpapakita nga sintomas.
Duha pala ka oras an nakalabay an probinsya han Biliran in nagpasabot gihapon nga positibo ha corona virus in 19 anyos nga lalaki nga taga Naval nga nagbyahe tikang ha Baguio City.
Dara hin nga bag-o nga duha nga kaso, 45 na katawo an natapnan han ginkakahadlukan nga kagaw ha eastern Visayas. # (KEVIN SIOSANA)
