Mahitungod han ma anomaliya nga pamalit hin patrol Boat nga nag kakantidad hin 5 Million Pesos han nakada pa hiya ha PNP Maritime Command, Hi Chief Supt. Asher Dolina ngan 22 pa nga mga active ngan retired PNP officials in guin tangal ha serbisyo han Ombudsman.
Upod nga guin patangal ha serbisyo han ombudsman hi Chief Supt. Ferdinand Yuson an deputy director han PNP Directorate for Plans ngan hi Senior Superintendent Alex Sarmiento, an officer-in-charge han Police Retirement Benefits Service.
Hi Dolina amo yana iton Regional Director han PNP dinhe ha region 8 in nag file hin official leave of absence mahitungod han mao nga desisyon han Ombudsman.
Nag hangyo an mga guin pa talsik nga mga opisyal ha lideraton han PNP ngan DILG nga deri la anay ipatuman an dismissal order samtang nga guin reresolba pa an ira motion for reconsideration.
Sumala pa han mao nga mga opisyal nga waray hira tagi hin due process o higayon nga makag baton han mga akusasyon kontra haira hinungdan nga ira guin apila an desisyon han ombudsman.
Waray makakarawat nga benipisyo ha PNP an mga nahidadabi ngan deri na pwede magtrabaho ha gobyerno sumala han kamanduhan han ombudsman.
Reference: People’s Journal
