Isumat.com/8:23AM, Pebrero 11, 2021
Arestado han mga otoridad an PARRDS-Calbiga, Samar Chapter President tungod han kakumpiskar tikang ha iya hin pusil, mga bala ngan granada.
An mga operatiba han CIDG-Western Samar in nagdakop han suspetsado ginkilala nga hi Amador Cardeno, 29-anyos, residente han Brgy Maka-alan han Calbiga. Dida han report han PNP, hi Cardeno in usa nga Municipal Employee han nasabi nga bungto. Ha impormasyon nga nakuha han Isumat.com, hiya gihapon an Calbiga Chapter President han grupo nga PARRDS (Partnership for Agrarian Reform and Rural Development Services).
Dida han entrapment operation, narekupo tikang ha suspetsado in usa nga 357 magnum Smith&Wesson, tulo nga bala, ngan usa nga granada.
Kasumpay hini, an mga otoridad in magsasampa han kaangayan nga mga kaso kontra han suspetsado nga yana nakapaslak na ha karsel. #
