Isumat.com/ Nobyembre 7, 2022
Ma-atubang hin mga kaso in usa nga kapitan hin barangay ug an iya kaupod han ma-aresto hira han mga tinubyanan han balaud ha usa nga anti illegal drugs operation ha Mayorga, Leyte hadton Nobyembre 5, 2022.
Ha report han PDEA-Region 8, ginkilala an mga nadakop nga suspetsado nga hira Junipher Lumpas, 46 anyos ngan chairman han Brgy Poblacion Zone 2 han nasabi nga bungto; ug hi Bernard Silos, residente han Brgy Bonifacio.
Narekupo tikang ha ira in porlomenos singko gramos hin gin-aalegar shabu balor hin 34 Mil pesos. Nakuha gihapon han mga otoridad an marked money nga gingamit han transaksyon.
An mga elemento han PDEA ngan Mayorga PNP an nagdumara han operasyon pasado alas 6 han gab-i hadto nga petsa.
Hi Lumpas in ginkokonsiderar nga high-value target han PDEA Regional Office. #
