Isumat.com/Hulyo 23, 2021

Bumalik ha piyod han balaud in usa nga babaye nga nagkapot hin mga posisyon han kagi-usan nga kumunista denhi ha Sinirangan Bisayas.

Dida han impormasyon tikang ha Leyte PNP Provincial Office, an nagsurender in ginkilala nga hi alias Sally, 42 anyos, ngan taga General MacArthur, Eastern Samar. Hiya an nagsurender ha Leyte Police Mobile Force Company.

An mga pwesto nga ginkaptan ni Sally han miembro pa hiya han terorista nga NPA amo an masunod: Red Fighter han Dumagsa Seksyon Komite, Squad Member han Dumagsa Komite, member Secretariat Arandia Seksyon Komite, Liaison Officer Dumagsa Komite, Political Instructor Front Komite, ngan nagin Commanding Officer gihapon hiya.

Ini nga mga posisyon in ngatanan ha ilarum han Sentro de Grabidad han Florencio Elarion ngan Jorge Bolito Command han NPA.

Dida han iya pagsurender, igin tubyan gihapon ni Sally in usa nga kalibre 38 nga pistola ngan mga bala. #