Isumat.com/7:23AM, November 9, 2020
Nagtotoo an Pwersa Armada han Pilipinas nga an kabubwason han nasud in nasarig ha kina-adman han mga batan-on.
Dara hini, naghimo hin gi-os an militar ha aton rehiyon basi mabuligan ha pag-eskwela an mga kabataan labi na gud ha tay-aw nga mga lugar. Hadin nag-agi nga pira ka adlaw, an Philipppine Army in nagdistribuer hin mga gamit ha eskwelahan didto ha Calbiga, Samar ngan Lope De Vega, Northern Samar.
An 46th Infantry (Peacemaker) Battalion ha panguna ni Lt Col Rhomel Langcauon in nagdonar hin mga school supllies ngan bond papers ngadto han mga estudyante ngan magturutdo han Guimbangan Eelementary School ha Brgy Guimbangan, Calbiga, Samar. Presente dida han okasyon an mga opisyales han barangay, eskwelahan ug han batalyon.
Didto naman ha Brgy Getigo ngan Brgy Magsaysay ha Lope De Vega, naghimo gihapon hin parehas nga aktibidad an militar. An elementary schools han nasabi nga mga barangay in naka-agom hin magkalainlain nga higamit ngan mga libro.
Ginlalakipan ini hin kinahon-kahon nga papel, lapis, krayola ngan notebooks. Lakip gihapon han iginhatag in siyam nga Encyclopdia ngan duha nga Webster Dictionary.
Subay han impormasyon, an nagdonar han nasabi nga mga higamit in pribado nga mga organisasyon ug an 43rd Infantry (We Search) Battalion an nagpasilitar han panhatag hini.
Hi Lt Col Raymundo Picut Jr, Commanding Officer han batalyon, in nagpahayag nga andam pirmi an mga tropa han gobyerno paghatag hin ayuda para han edukasyon han kabataan nga amo an masunod nga mga lideres han Pilipinas. # (with report from PIA-8)
