TACLOBAN CITY – Gindayaw han usa nga Propesor ngan Historian ha Eastern Visayas an pira nga naging sulod han Ikaduha nga State of the Nation Address (SONA) ni Presidente Rodrigo Roa Duterte kakulop ha Batasang Pambansa.
Ha nakuha nga impormasyon han Bombo Tacloban kan Professor Dino Amascual, Historian han Leyte Normal University, nga partikular nga naayunan hini ha naging pamahayag ni Pangulong Duterte in amo an pagbalik han Kasaysayan nga kun diin ginduon hini nga kinahanglanun nga ibalik an Kampana han Balangiga ha Eastern Samar nga may kalabutan ha natabo nga Balangiga encounter.
Sumala pa hini nga naayunan niya an pamulong han Pangulong kay mismo hiya kaupod an usa nga American War Veteran in adbokasiya nga maibalik an kampana ha Balangiga nga ginkuha han mga Amerikano.
“Usa ha mga naayunan ko an iya (Pangulong Duterte) pahayag han pagbalik han Balangiga Bells. Maaram man kamo nga Adbokasiya namon ni Aaron Davis nga maibalik an Church bells amo nga maupay ini nga iya ginyakan”, pahayag ni Amascual.
Kun manunumduman kakulop ha ika-duha nga SONA ni P-Duterte, in nahikay han Pangulo an Philippine-American War an nanabo dida han 1901 partikular na ha Balangiga, Eastern Samar nga kun diin mahuman an pagmasaker ha haros tanan han mga kalalakin-an ha Samar Island in ginkuha han mga Sundalo nga Amerikano an Church bells han Balangiga komo Tropeyo o kun Simbolo han Kadaugan ha Giyera.
Ginpahayag ni Pangulong Duterte nga an mao nga Kampana in pahinumdum han Kabayanihan ngan Kamaisog han mga ninuno nga nakigbisog ha pagsakop han mga Amerikano ngan nagsakripisyo ha ira kinabuhi ngan hangyu naman niya nga maibalik an Balangiga Church Bells tungod nga gintatag-iyahan ini han Pilipinas.
READ: Umano’y rapist na tricycle driver, nag-sorry pa sa biktima sa CdeO?
“The Church bells of Balangiga were seized by the Americans as spoils of war. Those bells are reminders of the gallantry and heroism of our forebears who resisted the American colonizers and sacrificed their lives in the process. Krag against bolo — krag was the standard rifle issued to the American troops. And that is how the historians describe.. [laughter] Many historians describe — [sige] the Philippine-American war. That is why I say today; give us back those Balangiga bells. [applause] They are ours. They belong to the Philippines. [applause] They are part of our national heritage. [applause] Isauli naman ninyo. Masakit ‘yun sa amin,” pahayag ni Pangulong Duterte.isumat.com/Bombo Tacloban
