Tinikangan yana nga January 2020 epektibo na an umento han sweldo han mga kabulig ha panimalay ha bug-os nga rehiyon otso. Ini in Subay han Wage Order No. RBVIII-DW-02 han Regional Tripartite Wages and Productivity Board (RTWPB)
2,000 pesos an umento han sweldo han mga kabulig kada bulan
An dati nga sweldo nga 2,500 para han mga kabulig nga nag tratrabaho ha mga chartered cities ngan first class municipalities in yana 4,500 na ngan 4,000 naman para han iba pa nga mga munisipyo tikang han dati nga sweldo nga 2,000 kada bulan.
Subay han kasambahay law o kon an Republic Act 10361, guin tatagan hin gahum an Department of labor and Employment nga magpa umento hin sweldo han mga kabulig kon ha pag kita hini in kinahanglanon agud mas maupay an ira panginabuhi.
Dida han Naglabay nga tuig 2019 guin aprobaran han RTWPB-8 an pag umento han sweldo han mga kabulig pero yana la nga Enero an pag patuman hini mahitungod nga kinahanglan man anay nga ma publikar ha mga mantalaan an mao nga kamanduan.
Kon mayda mga agaron nga deri mag tutuman han pag paumento han sweldo han ira mga kabulig pwede mag padangat hin reklamo han opisina han Department of Labor and Employment – 8.
