Amo la gihapon iton pamasahe nga guin susukot hiton Grandtours Transport Services haira mga pasahero bisan kon nag hatag na hi katugutan an Land Transportation Franchising and Regulatory Board Region 8 nga pwede na manukot han tag dos pesos kada kilometro nga bag-o nga pamasahe para han mga van nga nabiyahe ha bug-os nga rehiyon otso.
Sumala han report han RMN Tacloban ha programa nga “Straight to the Point” ni Eduard Sanagan waray pa mag hatag hin go signal an management han grandtours han pag pa umento han pamasahe.
An biyahe nga Tacloban-Catbalogan tag 130 pesos la gihapon an pamasahe, an Tacloban-Calbayog tag 230 pesos la gihapon, an Tacloban-Ormoc naman in tag 130 pesos la gihapon, samtang an tacloban-Naval tag 120 pesos la gihapon an pamasahe.
Tinikangan January 13 guin patuman na an tag dos pesos kada kilometro nga taripa han pamasahe han mga van subay han LTFRB Memorandun Circular 2007-007.
