Palo Leyte – Duha in patay han mag banga-ay in usa nga L300 van ngan canter truck ha may BIR junction Barangay Pawing Palo, Leyte mga ala una han ligas Enero 8, 2016.
Nakilala an mga nagka matay nga hira Velmaro Bardiago han East Visoria Carigara, Leyte an driver han L300 van ngan an sakay hini nga hi Christian Medallo ha waray pa mahibarui nga address samtang nga samaran naman an driver han truck nga nakilala kan Mark Gil Novio Y Rael.
Sumala han impormasyon nga nakuha han isumat.com tikang kan PO3 Sudario han PNP Palo nga tikang ha Tacloban an truck han igka bang-ga ini han L300 van nga tikang naman ha bungto han Palo.
Naka angkon hin damo nga kasamdan an driver ngan han sakay han L300 van hinungdan han kamatay han mga ini ngan guin dara ngadto ha Tapitan funeral Parlor ha bungto han Palo.
An Driver han truck nga aada na ha custody han mga otoridad in nakatalaan nga papasakahan hin kaso nga reckless imprudence resulting to multiple homicide ngan damage to property. isumat.com
