Isumat.com/9:32AM, June 5, 2020
Nadiskubre hin usa nga lalaki nga mayda nakalubong nga bomba ngan mga bala dida han iya natad ha Brgy 77, Marasbaras, Tacloban City.
An residente ngahi Reynaldo Masongsong in nag-uukad han tuna didto han luyo han iya balay para han iya pagtanom han iya madiskubre an kadaan nga bomba ngan mga bala nga iginlubong. Waray niya ini paglabti ngan kadagmitan iya ini iginreport ha mga otoridad.
Ginkadto ini han Explosives and Ordnance Division han PNP Regional Office ug ira natudlok nga kanan 57mm projectile an bomba ug an mga bala in para hin 50 caliber machine gun.
An nasabi nga bomba ngan mga bala an gindara han kapulisan para han kaangayan nga disposisyon.
Kasumpay hini, nanawagan an mga otoridad ha publiko nga kun may madidiskubre nga sugad hini nga mga butang, deri gud ini paglabtan ngan igpasabot dayon ha mga otoridad basi maibitaran an kadelikaduhan. # (KEVIN SIOSANA)
