Patay an usa nga brgy. chairman nga gin kilala nga hi Louie Bolledo Nening han barangay Bulao, San Jorge, Samar ha gin buhat nga buy-bust operation han mga otoridad.

Sumala han report nga  bumunot hin pusil an suspetsado ngan dayon nag pabuto pagkatapos nga makatunog nga pulis an iya ka transaksyon rason han pagbulos pagpusil han mga operatiba nga hinungdan han iya kamatayon.

Sumala kan Police Chief Superintendent  Gilberto Cruz nga gin kukunsedera ini hi Nening kumo usa nga high-value target ngan kaupod han watch list han San Jorge Municipal Police Station.

Samtang na rekuber ha crime scene an duha nga basiyo hin bala hin M16 rifle, usa nga basiyo hin bala hin Caliber 45, kwarta nga nag kakantidad hin 500 pesos ngan duha ka sachet hin gin aalegar shabu.

Igin pahimatngon naman ni PCSUPT Cruz nga padayon la gihapon an mga operasyon han PRO8 kuntra ha pag taga illegal nga druga  ngan waray hira pipilion hini nga ira kampanya.

Dugang pa han opisyal, inaaghat niya an publiko nga magin ma binantayon ngan mag report ha kapulisan kun mayda hira impormasyon nga may kalabutan ha pag taga illegal nga druga.