Gin ngaranan komo team captain han University of Santo Tomas Ladies Volleyball Team hi Alina Refugio Bicar nga tikang denhi ha Eastern Visayas. Hi Bicar nga graduating Sports and Wellness Management student ha UST amo an gin gintudlok ni Coach Kungfu Reyes nga amo an magin kapitan han grupo para han season 82 han UAAP volleyball nga titikangan hiton Pebrero .
Sumala kan Reyes, an dedikasyon ngan pagigin beterana ni Bicar an panguna nga rason han kapili ha iya. Hiya an maliwan kan anay team captain Sisi Rondina nga naka gradwar na. Hi Bicar amo in nagkakapot han posisyon nga setter dida han team. Usa han iya mga teammates amo an national player ngahi Eya Laure. Hi Alina in ipinanganak ha Basey, Samar pero nag eskwela han elementarya ngan high school ha Tacloban City.
Nagminulay hiya ha EVRAA Meet sugad man pira ka beses ha Palarong Pambansa. Naba-id an abilidad niya denhi ha Tacloban pinaagi han iya pagmulay para han Tacloban Red Stallions ngan Volleyball Association of Leyte-Tacloban. Hiya in nagin team captain gihapon han nagmumulay pa hiya para han Leyte National High School. Gintatarget yana han UST an korona katapos nira magin first-runner up dida han UAAP Season 81. (KEVIN SIOSANA)
