Isumat.com/7:35AM,June 27, 2020
Siyam ka tawo an na-aresto han mga tinubyanan han balaud han pagsulungon nira in usa nga drug den ha Brgy Naungan, Ormoc City alas 4 kakulop han kulop.
An gintibhong nga pwersa han PDEA-Region 8 ngan mga operatiba han Ormoc PNP an nagronda han drug den ngan nagkadadakop hira Sultan Moron, an gin-aalegar nga nagdudumara han drug den; ug an mga “shabu costumer” nga hira Zyrra Abdrin, Mirasol Blanco, Mae Arcayan, Angel Via Urgel, Edgar Lumanta, Benjie Dalanon, Joven Sanoria ngan John Christian Tangual.
Nakumpiskar gihapon han mga otoridad in lima ka sachet hin gintotoohan nga shabu. May kabug-aton ini nga onse gramos ngan nagkakantidad hin 74, 000 pesos. Nakuha gihapon han raiding team in pira nga drug paraphernalia.
Samtang, usa liwat nga High Value Target an nakwelyuhan han mga otoridad ha Brgy Malopalo, Calbayog City ha usa nga buy-bust operation. An suspetsado nga na-aresto in ginkilala nga hi Joseph Thaddeus Labian.
Nakumpiskar tikang kan Labian in pito ka sachet hin droga may balor hin 60,000 pesos.
An mga suspetsado in nakapaslak na yana ha karsel ngan maatubang han kaangayan nga kaso nga igsasalawad kontra ha ira. # (KEVIN SIOSANA)
