Isumat.com/8:13AM, Enero 21, 2021
Ma-atubang na yana han kaso nga pagpatay in usa nga rebelde nga kumunista tungod han kadakop ha iya ha Matalom, Leyte.
An mga tinubyanan han balaud in naka-aresto kan Preciano Galleon alyas Penoy dida han gindumara nga Charlie Manhunt Operation. Hi Galleon in residente han Brgy Monte Alegre, Matalom.
Sumala han report, hi Galleon in ginsampaan hin kaso nga murder tungod han iya hilambing han pag-ambush han mga pulis nga miembro han 359th Mobile Force Company ha St Bernard, Southern Leyte.
Hadton alas 4:30 han kulop, Marso 7, 1993, an grupo nira Galleon an nang-gama han kapulisan ha Barangay Catmon, St Bernard kun diin namatay hi PO1 Gilbert Caspe ngan nasamad hira PO1 Arnel Conge ngan PO1 Thomas Alicer.
An hugpo nira Galleon hadto nga panahon, in naghihimo han ira operasyon ha pira nga bungto ha Leyte ngan Southern Leyte.
An warrant of arrest kontra kan Galleon in ginpagawas ni RTC Judge Jose Mijares. #
