julius-katangkatang
TACLOBAN CITY – Nahisabutan nga anak han dati nga Alkalde han Probinsya han Leyte an anay nga PDEA agent nga nakuhaan hin bulto-bulto nga Iligal nga droga.

Nabaruan nga ginkilala an suspek nga hi Julius Katang-katang , anak han anay nga Alkalde han Jaro, Leyte nga hi Floro “Bom” katang-katang.

Ha ginbuhat nga buybust operation han mga kapulisan ngan han PDEA in nakuha ha suspek an 350 ka gramo hin gintotoohan nga Shabu nga nagkakantidad hin purluminos 2.5 Milyon pesos.

Waray naman magpagawas hin pahayag an kampo han dati nga Mayor , nga hi Mayor Bom Katang Katang ha pagkadakop han iya anak
Napag-araman nga usa na katuig nga nag- AWOL hi Julius Katang-katang ha PDEA matapos nga mahidabi an iya ngaran kasumpay han iligal nga droga.