Isumat.com/8:12AM, Enero 14, 2021

Katapos hin usa ka semana tikang iliwon han iya pamilya, natad-an an patay nga lawas hin usa nga parupangisda ha Brgy Dapdap, Dolores, Eastern Samar.

Sumala han impormasyon, an namatay amo hi Benjamin Roncales, 73-anyos, ngan residente han Brgy Sta Monica Eastern Samar. An biktima an iginreport nga nawara tikang pa hadton Enero 4 han magpa-ilawod hiya basi managat.

Usa nga residente han Rapil Island ha Brgy Dapdap an nakakita han lawas nga nahisangya harani han baybayon ngan iya ini iginsumat ha barangay officials.

Waray liwat mahisumat kun tungod han kamaraot han panahon o iba nga rason an hinungdan han kamatay han ni Roncales. #