Waray rason nga deri makakagdul-ong ngadto ha magkalain-lain nga lugar ha Region 8 an mga negosyante o producers hin mga agricultural products ha atubangan han gin-implementar nga enhanced community quarantine dara han COVID-19.
Ini in dara kay nagpapadayon an Department of Agriculture panhatag hin passes basi tugutan an mga nagde-deliver han mga prudukto, ilabi na an pagkaon, nga maka-agi ngan deri malangan ha mga quarantine control/check points. Sumala kan Francis Rosaroso, an tagpamulong han ahensya ha aton rehiyon, magigin matulanoy an pagsulod ha mga bungto han mga nagde-deliver kun makapakita hira han food lane conduct pass sticker.
Hapagkayana, sobra na tres syentos nga mga pass stickers an nadistribuer han DA ha mga grupo nga naghahatod hini nga mga produkto. Dara hini, ginlalauman pa han ahensya nga magtitikadamo pa an makuha hini nga pass labi na nga kat-ani na yana han humay ha pira nga lugar han rehiyon.
Basi matagan hini nga passes, kinahanglan igpakita didto ha DA han mga negosyante, traders ngan manufacturers an mga importante nga papeles sugad han company ID, delivery vehicle certificate of registration ug ngaran han driver ngan pahinante. #
(Posted 1:45 PM, March 27, 2020)
