Bisan ha luyo han padayon nga pan destroso ngan pan baklas han mga tarpaulin ni Tacloban City Vice Mayor Jerry “Sambo” Yaokasin hiya in nag totoo nga deri akos nga baklason iton aada hiton mga kasing kasing hiton mga botante ha siyudad han Tacloban.
Ini an gin sumat ni Yaokasin kahuman nga makuhaan hin Video footage an pag baklas han iya tarpaulin hin mga tawo nga sakay hin motorsiklo. Sumala pa kan Yaokasin nga organisado an pan baklas han iya mga tarpaulin ngan damo nga Grupo an nag bubuhat hini tungod nga tikang ha downtow tipakadto ha Norte nga parti han siyudad an operasyon han mga ini.
Waray pa liwat mahibarui kon hira hin-o nga mga personalidad an nag papa luyo hini nga mga buruhaton. Hi Yaokasin in kandidato pagka Mayor han Tacloban hiton tiarabot nga Mayo nueve nga eleksyon kontra kan incumbent Mayor Alfred Romualdez.
