Isumat.com/9:40AM, May 13, 2020
Kadagmitan nga naghimo hin aksyon an Ormoc City kataliwan la ig-anunsyo kakulop han udto nga bubulkason na an General Community Quarantine dida han syudad.
Hi Mayor Richard Gomez in nagpahayag nga deri pa angay nga kuha-on an kwarentina dara han hulga han corona virus.
Dara hini, kakulop mismo hi Gomez in naghangyo ha City Council ha panguna ni Vice-Mayor Toto Locsin nga magpasa hin ordinansa para hini nga panuyo. An hangyo ni Gomez in kadagmitan naman nga gin-aprobaran han konseho pinaagi hin usa nga resulusyon.
Sumala han alkalde maghahangyo hiya ha Regional IATF para hin rekonsiderasyon han desisyon han National-IATF. Ginklaro niya nga maaro hira hin rekonsiderasyon ug samtang naghuhulat han desisyon han ira hangyo, magpapabilin an GCQ ha ira lugar.
Nagpapabilin nga COVID-Free an Ormoc City tobtob yana nga panahon. Pira na an nagin suspected cases ha ira syudad pero ngatanan ini nag-negatibo ha confirmatory test.
An Ormoc in usa han mga entry points ha Region 8 han mga biyahe tikang ha Cebu City kun diin sobra na usa ka yukot nga katawhan an nag positibo han corona virus. # (KEVIN SIOSANA)
