As suspetsado nga hi Fernando Balagbis ( naka busag hin T-shirt) kahuman nga ma aresto han mga otoridad. Photo courtesy of Byron Alcoba.
As suspetsado nga hi Fernando Balagbis ( naka busag hin T-shirt) kahuman nga ma aresto han mga otoridad. Photo courtesy of Byron Alcoba.

Arestado naliwat an guin kokonsidera nga number 1 drug Personality ha Baybay City han guin dumara nga operasyon han mga otoridad.

Dakop hi Fernando Balagbis y Mejia Alias “intoy” ngan “Uncle” kahuman nga makapalit hin 1 ka sachet hin shabu tikang han suspect in usa nga pulis nga nag pakilala nga drug user.

Pag labay hin pira ka minutos guin raid liwat an panimalay hini ha Trese Martirez St., Zone 11 Baybay City pinaagi hin search warrant nga guin issue ni Judge Alphinor Serrano han RTC Branch 14.

Nakuha in mag kalainlain nga calibre hin pusil, mga bala, ngan guin tutuohan nga shabu nga nag kakantidad hin 160,000 Pesos , mga drug paraphernalia ngan mga motorsiklo nga waray rehistro.

Ang mga pusil, bala ngan guin tutuohan nga droga nga narikupo ha panimalay ni balagbis. Photo courtesy of Baybay PNP.
Ang mga pusil, bala ngan guin tutuohan nga droga nga narikupo ha panimalay ni balagbis. Photo courtesy of Baybay PNP.

Ika lima na ka beses nga na aresto hi Balagbis parti hin Illegal drugs ngan yana pyansado la an suspetsado.

Sumala kan Police Superintendent Carlito Gallardo an Chief han Baybay City Police office nga tikang kan Balagbis iton druga nga guin babaligya ha Baybay sanglit ini amo iton numero uno ha ira listahan.

Sumala pa kan Gallardo nga a certain Kerwin Espinosa nga taga Albuera Leyte amo liwat iton nag susuply kan Balagbis hin illegal drugs.

An “Öne time Bigtime” anti illegal drugs operation in guin dumara han pinag usa nga pwersa han Leyte Provincial Anti Illegal Drugs Task Force, CIDG-8, ngan Baybay City Police Office.

Priso na yana ha Baybay City detention cell hi Balagbis . isumat.com

Pamati han interview kan Supt. Carlito Gallardo han isumat.com.