Hain na an mga nakumpiska nga illegal drugs han mga otoridad.
Ini an iguin pakiana ni Calbayog City Mayor ngan Regional Peace and Order Council Chairman Ronald Aquino ha guin dumara nga RPOC meeting ha siyudad han Ormoc han nag labay nga lunes Septyembre 28, 2015.
Sumala kan Mayor Aquino nga kinahanglan matagan hin kasayuran iton publiko mahitungod hini labi na nga mayda mga alegasyon nga an mga nakumpiska nga illegal drugs in iguin babaligya la ngahaw han mga personalidad nga involve han illegal drug trade ha rehiyon.
hi PDEA-8 Director Laurefel Gabales in nag baton nga ira sinusunog an mga nakumpiska nga droga kon mayda na order tikang ha korte ha presensiya hin mga testigos sugad han mga barangay officials ngan mga taga media.
Ha sunod nga higayon nga mag order it korte pag destroso han mga nakumpiska nga droga iya iimbitahon it ngantanan nga miemro han regional peace and order council agud maguin witness.
An Regional Peace and Order Council in regular nga nag dudumara hin meeting agud pag istoryahan iton mga issues may kalabutan hiton peace and order situation ha bug-os nga rehiyon.
