Mahugot nga pinanhimuwa han Mother of Mercy Hospital (MMH) an mga nagsarang nga iru-istorya nga nagpa check-up ha ira an pasyente nga COVID-19 positive nga taga Burauen, Leyte.
Dida gud man han magtikang an hurobhurob kasumpay hini nga pasyente, may mga impormasyon labi na gud ha social media nga ini daw nga babaye in pumakadto ha MMH basi magpa check-up hadton Marso 13.
Nagpahayag an nasabi nga hospital waray nira medical record hini nga babaye, sanglit deri tinood an nagkagawas nga mga impormasyon.
An nasabi nga hospital in nagpapadayon han ira operasyon ngan mahugot an ira pagsunod han mga protocols nga iginpapatuman kasumpay han corona virus. Ini nga hospital in namumutang ha syudad han Tacloban.
An Department of Health in padayon an utro-utro nga panawagan ha publiko nga deri umungay ngan deri magpinasarang hin mga impormasyon nga deri beripikado kun diin pagtikang ngan kun mayda ba kamatuoran. #
(Posted 9:15 AM, April 18, 2020)
