Hi Tacloban City Mayor Alfred Romualdez

Apektado na an pag patuman han mga infrastructure development projects ha siyudad han Taclobam yana nga tuig mahitungod han dako nga ginagastos han siyudad kontra han COVID 2019 virus.

Ini an guin sumat ni Tacloban City Mayor Alfred Romualdez ha interview han 99.1 RMN Tacloban ha programa nga “Straight to the Point” ni Eduard Sañagan.

Sumala kan Mayor Romualdez nga maabot na hin 170 Million an na gagastos han siyudad tikang ha calamity funds ngan sugad man han 20 percent annual investment fund ngan an ayuda nga guin hatag han national government tikang ha pundo nga guin alotaga han gobyerno ha ilarom han Bayanihan We Heal as One Act.

Labot la han mga Personal Protective Equipment (PPE’s) ngan iba pa nga mga medical supplies sugad han mga testing kits/PCR testing , lakip nga ginastosan han siyudad an pag mintinar ha pira nga mga hotel nga ginamit kumo quarantine/isolation facilities ngan an iba pa nga mga panginahanglan han mga frontliners nga ka bulig pag siguro nga deri na mag larab an covid ha Tacloban.

Kon dako na an gastos kontra han COVID 2019 humabubo liwat an income han siyudad yana nga tuig nga posible umabot hin 200 Million mahitungod han ka kulang hin economic activities sumala pa kan Romualdez.

Mahitungod hini iya liwat guin hangyo an mga miemro han Sangunian Panglungsod han Tacloban nga mag pasa hin ordinansa nga deri mag papataw hin penalidad hadton waray pa mag papakabayad han mga real property tax sugad man han mga business tax para mabuligan liwat adton mga negosyante nga nga apektuhan han pan demya.