Tacloban City – kaso nga multiple murder guin sampa na kontra han mga suspect han massacre ha barangay Victory Calbayog City nga kinamatay hin lima ka tawo hadton nag labay nga martes nga adlaw Septyembre 15, 2015.
Sumala kan Police Chief Supt. Asher A. Dolina an regional director han PNP-8 nga nakilala na an mga responsable han mao nga kremin pero deri pa pwede igawas an mga ngaran hini mahitungod han padayon pa nga operasyon nga nga guin dudumara han mga otoridad.
Patay han mao nga massacre hira Sonny Regulacion y Casaljay, 38 years old, parag-uma ngan residente han mao nga barangay, an iya asawa nga hi Adela Regulacion y Acebar, 48 years old; Cristina Regulacion y Gacula, of legal age; Angela Mae Regulacion y Gacula, 2 years old; ngan Princes Christine Joy Regualcion y Gacula, 5 years old.
Guin Kondena ni Calbayog City Mayor Ronald Aquino an mao nga panhitabo nga sumala pa haiya hin binuhatan hin mga tawo nga waray kasing kasing ngan kalooy ha igkasi tawo nga pati mga kabtaan in guin dabi han mao nga kremin.
Nahibaruan han isumat.com nga an usa han mga biktima nga hi sonny Regulacion an posible nga target han pan matay mahitungod han paguiuin lider hini hin usa nga politiko ha ciudad han Calbayog.
Padayon an imbestigasyon nga guin dudumara han mga otoridad kasumpay han mao nga insidente.
