Isumat.com/Agosto 7, 2023
Gin-iimbestigar hin mahugot han mga kapulisan ha San Roque, Northern Samar an brutal nga panhitabo ngadto hin 14 anyos nga babaye nga posible ginlugos anay antis patayon hadin nag-agi nga adlaw.
Ha inisyal nga impormasyon, ginkilala an biktima nga hi Elaiza Balanquit, 14 anyos ngan nag-uukoy ha Brgy Zone 6 han nasabi nga bungto.
Nakit-an han iroy han biktima an patay nga lawas han iya anak pira la ka metros an distansya tikang ha ira panimalay.
Hinsabutan nga an biktima in nag-antos hin 11 nga binun-an ha magkalainlain nga parte han iya lawas.
Nagtotoo gihapon an pamilya han biktima nga posible ginlugos hi Elaiza han waray pa kakilal-i nga suspetsado antis hiya patayon.
Samtang ginsusurat ini nga notisya, nagpapamulat pa an IsumatNews han opisyal nga report tikang han PNP Station han mao nga bungto.
