Hi Tacloban City Vice Mayor Jerry "Sambo"Yaokasin han iya pag file han COC. Photo Courtesy of Nelson Braga.
Hi Tacloban City Vice Mayor Jerry “Sambo”Yaokasin han iya pag file han COC. Photo Courtesy of Nelson Braga.

“Andam ako kon hin-o man iton akon ka kontra ka Vice Mayor, pero natuod ngan natapod ako han pahayag ni Mayor Alfred Romualdez san-o an filing han certificate of candidacy nga deri hiya ma kandidato ka Vice Mayor”

Ini an baton ni Tacloban City Vice Mayor Jerry “Sambo” Yaokasin han pakianhan hiya han isumat.com han posibilidad nga mag substitue hi Mayor Romualdez han kandidatura ni anay konsehal Tata Granados nga nag file ka Vice Mayor han Tacloban ha ilarom han Nationalista Party.

Sumala kan Yaokasin nga may posibilidad nga matabo iton substitution mahitungod nga iton partido ni Mayor Romualdez ngan konsehal Cristina Romualdez in Nationalista labot la nga hi Mayor Romualdez pa iton City chairman han mao nga partido.

Nahibaruan han iya opisina nga usa nga abogado han mga Romualdez nga nag tratrabaho ha City Hall amo pa an nag notario han certificate of candidacy ni Granados.

Imbes nga kumandidato hin mas hataas nga pwesto hi yaokasin in nag desisyon nga mga re-elect la anay kumo Vice Mayor ngan isakripisyo an personal nga ambisyon han posibilidad nga pag kandidato ka Mayor mahitungod hiton mga problema nga inaatubang hiton Tacloban nga epekto pa han typhoon Yolanda.

Sumala pa haiya nga damo pa nga mga pamilya an waray pa ngani katagi hin permanent shelter ngan maka recover han ira panginabuhi, kon mag kakaburublag pa an mga Taclobanon mahitungod hin politika maduroy katagi hin solusyon ini nga mga problema.

Pamati han interview kan Vice Mayor Yaokasin.