Isumat.com/Setyembre 28, 2021
Waray magdahom an magbugto nga Senior High School students nga an ira pagkuha han module para han ira pag-eskwela amo an magigin katapusan nga ira aktibidad ha igbaw han han tuna han bawi-an hira hin kinabuhi kakulop, Setyembre 27, dida hin aksidente ha kadalanan ha Paranas, Samar.
Subay han impormasyon, an magbugto in mag-angkas hin motorsiklo ngan nagsusulsog han national highway ha Brgy Lokilokon . Tipa-uli na unta hira katapos kuha-on an ira Learning Modules han ma-aksidente hira.
Dida han inisyal nga imbestigasyon umensima an motorsiklo nga sinsakyan han mga biktima hin pampasahero nga bus. Dida han ira pag-ensima, tyempo liwat nga mayda iginkakasugat nga pribado nga kotse didto han kaluyo nga linya han kalsada nga amo an ira sinampakan.
Namatay an magbugto nga lalaki ngan babaye dida han insidente. #
I
