Isumat.com/Setyembre 27, 2021
Tumalikod ha kadayunan in usa nga miembro han Philippine Army han malumos hiya samtang nakarigos ha salog ha Brgy Batang, Oras, Eastern Samar kakulop (Setyembre 26) han aga.
Dida han imbestigasyon, an biktima in ginkilala nga hi Pfc Mark Anthony Castillo, 29 anyos, waray asawa, taga Bobon, Northern Samar ngan kaapi han 52nd Infantry Battalion han Philippine Army ug nakadestino han mao nga lugar.
An report in nagsering nga hi Castillo in pumakadto han salog pasado alas syete han aga basi mag praktis hin paglangoy. Paghagos hin pira ka minutos, waray na umutnga an sundalo ngan ginbiling na hiya han iya mga kaupdanan ngan mga barangay tanod.
Kataliwan hin sobra usa ka oras, natad-an an lawas han biktima ngan kadagmitan gindara ha Oras District Hospital kun diin igindeklarar hiya nga dead on arrival.
An patay nga lawas in gindara ha kampo han batalyon nga namumutang ha Brgy Dao han nasabi nga bungto.
