Isumat.com/7:46AM, November 19, 2020
Ginpipinamiling han mga otoridad an suspetsado nga nagpusil hin mag-asawa nga parag-uma ha Tabango, Leyte.
Dida han nag-agi nga adlaw, an magti-ayon nga hira Boyet Dacullo, 50 anyos; ug an iya misis nga hi Josefina, 55-anyos in nakadto ha sulod han ira payag ha Brgy Tabing, Tabango han tigda la bumungkaras an suspetsado nga nakilal-an nga hi alyas “Eduardo Mendoza.”
Waray damo nga seremonyas, ginpanmumusil ni Mendoza an mga biktima hin waray pa katudlok nga kalibre hin pusil ngan nag-antos hin mga igo hin bala an mag-asawa nga Dacullo.
An suspetsado in umiskapo ha gilayon nga takna, samtang gindara ha hospital an mga biktima basi pagtambalon. Tobtob han ginsusurat ini nga notisya, waray pa impormasyon kun ano na an kahimtang han mga biktima.
An anak nira Dacullo nga hi Bryan John an nakakita han insidente ngan hiya an nakakilala han suspetsado nga padayon ginhahalpat yana han mga otoridad. Waray pa gihapon impormasyon kun ano an posible nga motibo han krimen, #
