Nanhatag hin barato an usa han duha nga winners han 6/58 Lotto draw han nakalabay nga bulan diin P1.18B iton ira nadag-an.
Usa han mga nagdaog in usa nga tricycle driver ha syudad han Borongan ha Eastern Samar diin naghatag ini hin barato ha mga empleyado han City Hall ngan kasangkayan nga tricycle drivers.
Nahisabutan nga iginpadara han lotto winner an kwarta ha iya sangkay nga amo naman iton naghatag ha City Treasurer’s Office agud naman ma ipandistribwer ha sobra mil nga mga empleyado. Diin nagpakakarawat an mga empleyado hin tag P5mil lakip na an Mayor han syudad nga hi Hon. Ma. Fe Abunda.
Samtang tag P1,500 naman para han mga tricycle driver. Naghatag naman gehapon ini hin milyones ha iya kabugtuan sugad man ha kabugtuan han iya misis.
Ha pag kayana in waray na ha Borongan an ma swerte nga winner human la nga hini makuha an iya daog in lumarga na an bug-os pamilya hini para naman hiton ira seguridad.
