(Image by andersonuniversity.edu)

Kon pananglitan dumamo iton magka ada hiton COVID virus ha rehiyon otso ano ka preparado iton Eastern Visayas Medical Center (EVRMC) mahitungod kay ngadto man dada-on haira iton mga pasyente?

Ano iton bed capacity han isolation ward nga ira guin prepara, kumpleto ba hira han mga medical equipment nga pag kikinahanglanon han mga pasyente? mayda ba liwat intensive care unit (ICU) para hiton mga grabe nga pasyente? supesyente ba ngan kumpleto iton mga personal protective equipment hiton mga frontliners?

Ini nga mga pamakiana an guin baton ni Dr. Lory Ruetas ha interview haiya han 99.1 RMN Tacloban ha programa nga “Straight to the point”.

Sumala kan Dr. Ruetas nga bisan kon limitado iton kapas han hospital ini in nag aandam agud masiguro nga matagan hin igo nga pag tratar an mga pasyente han Covid.

An isolation area in mayda trienta (30) nga kuarto nga pag bubutangan han mga pasyente, mayda airconditioned ngan ordinary rooms, may duha nga Intensive Care Units (ICU) kon baga may mga grabe nga pasyente nga dadad-on han mao nga hospital.

Pero deri gudman la supisyente an kadamo han personal protective equipment para han mga frontliners mahitungod han ka kulang han mga supply nga naabot haira.

Kon pananglitan dumamo pa gud iton pasyente mayda na nira guin aandam nga mga pitad pero waray pa liwat ini ig sumat ni Dr. Ruetas mahitungod kay kahuhuman pala han ira meeting ngan maaro pa hiya hin katugotan ha mas labaw haiya kon pwede na ba ini ipasabot ha publiko.

Ha pagkayana nag papabilin nga duha pala an kompirmado nga kaso han COVID virus ha rehiyon otso ngan an usa in naka gawas na ha hospital mahitungod kay maupay naman an sitwasyon han panlawas hini.