Isumat.com/7:39AM, December 9, 2020
Kinahanglan magin ikmat ngan pahuruhugton pa an mga patakaran ha probinsya han Leyte basi deri na maglarab pa an Covid-19 labi na yana nga panahon han Pasko.
Ini an nagin pahayag han OCTA Research Group han ira tudlokon an pira nga mga probinsya komo lakip han “Provinces of Concern.” An grupo an nagpagawas hini nga lista yana nga adlaw, Disyembre 9, ug lakip hini an Leyte, Davao del Sur, Benguet, Isabela, Cagayan, Ilocos Norte, Pangasinan ngan Bataan.
Nagsering an OCTA, naka-obserbar hira hin tigda nga paghitaas han mga kaso han virus dida han mao nga mga lalawigan han Disyembre 1 tobtob Disyembre 7, 2020.
An OCTA in indipendiente nga organisasyon nga gin kokomponer hin mga ekesprto ha panlawas ngan statistics . Kasagaran han mga miembro hini an mga doktor ngan maestro ha UP. Hira in naghahatag hin mga estatistika ngan suhestyon ha gobyerno ha pagsurapo han Covid-19.
Hapagkayana, sobra na hin 2600 an nagpositibo ha probinsya han Leyte. Hadin nag-agi nga semana, damo an natapnan ha Burauen, Ormoc ngan Baybay City.
Pira na ka adlaw an nakalabay, hi Governor Mic Petilla in nagpasamwak nga an gobyerno han probinsya in mapalit han Covid Vaccine ha oras nga aprobaran na ini han Food And Drug Administration. #
