Isumat.com/2:32PM, April 23, 2020
Nagka-urusa an magkalainlain nga sektor ha Eastern Samar nga magkaada pa hin extension an kwarentina didto han nasabi nga probinsya ug imbes nga matatapos na ini hiton Abril 30, ginpahilawig pa ini tobtob Mayo 30, 2020.
Pira pa la ka oras an nakalabay, nagkaada hin meeting ini nga mga grupo ha panguna han amay han Proobinsya, Gov. Ben Evardone. Gintambungan gihapon ini nira Congresswoman Fe Abunda, mga municipal mayors, Bishop Crispin Varquez, ngan mga miembro han Inter-Agency Task Force.
Gintirutimbang han mga opisyales an bentaha kun may extension ug disbentaha hini, ug ira gin-asses an mga sitwasyon ug resulta han naha-una nga mga pitad. Dida hini nagkasarabot hira han extension han kwarentina…pero ini in tatawagon na nga MODIFIED GENERAL COMMUNITY QUARANTINE.
An Provincial Government in nakatalaan magpagawas hin Executive Order kasumpay hini nga extension ug ginlalauman nga mahipapatik dida an mga pagbag-o nga puede buhaton o deri la gihapon puede himoon han publiko samtang naatubang pa han COVID-19 health crisis. #
