Isumat.com/8:09PM, May 26, 2020
Maupay nga notisya tikang ha Department of Health-Regional Office.
Ngatanan negatibo ha corona virus an 156 swab samples nga ginpailarum ha Confirmatory Test ha EVRMC. Ini in subay han ginpagawas nga bag-o nga advisory han DOH-Regional Office yana nga alas 8 han gab-i.
Upod denhi an ikaduha nga negative result ni Patient EV# 13 nga taga Tarangnan. Dara hini, puede na hiya matawag nga naka-recover pero kinahanglan pa han duha ka semana nga kwarentina ha iya panimalay.
Upod gihapon denhi an mga negative results han mga swab samples tikang han mga nurses, midwives ngan iba pa nga health personnel ha Tarangnan.
Nagpapabilin nga 28 ka tawo an nagpositibo han virus ha Eastern Visayas kun diin 20 na an naka-recover.
Mayda naman ginmomonitor nga 1,848 Suspected Cases ha bug-os nga rehiyon. # (KEVIN SIOSANA)
