Tacloban City – Pito pa nga mga bungto an nakatalaan nga matagan han emergency shelter assistance han DSWD. Ini amo an mga bungto han Llorente, Maydulong, Basey ha Samar Kananga, Pastrana, Sta. Fe ngan Jaro para ha probinsiya han Leyte.
Ha interview kan Ms. Grace V. Sudario Gozo Social Marketing officer for Disaster han DSWD-8 nga andam na an tseke para han mao nga mga bungto ngan kinahanglan nga kumadto ha ira opisina an mga representante han mao nga mga bungto agud maihatag na an mga tseke ngan basi liwat maipanhatag na ini ngadto han mga beneficiary.
Maabot na hin 18 ngatanan an mga bungto ha region-8 nga natagan han emergency shelter assistance para han mga biktima han bagyo yolanda kon idudugang an pito nga bag-o nga mga bungto.
Nagsagdon liwat an DSWD para hadton padayon nga nag pipinamulat nga matagan han ESA nga magtrabaho la anay samtang nga on process pa an mga papeles han iba nga bungto agud deri makarag an ira oras.
Aadi an interview han isumat.com kan Ms. Gozo.
