TACLOBAN CITY – Padayun an Koordinasyon han Kapulisan ha Rehiyon ha mga Kapulisan ha magkadurudilain nga lugar partikular na ha Davao bahin han paghalpat han usa nga priso nga nakatakas ha Leyte Regional Prison dida han Dominggo.
Sumala kan PCInsp Ma Bella Rentuaya, Tagapagyakan han Police Regional Office (PRO-8), nga ira ginmomonitor an report ha iba nga mga Police Station bahin ha presensya han Suspek nga hi Jerecho Ebarle, 28 anyos ngan residente
han Duljo, Fatima, Cebu City.
Kutob ha pagkayana in waray pa hira impormasyon ha patikular nga ginkakamutangan han Eskapo labot nala han una nga balita nga nakasakay ini hin Bus tikadto ha Davao City.
Hi Ebarle in napreso mahitungod han Kaso nga robbery ngan attempted murder, ngan nadetain ha minimum security compound ha Leyte Regional Prison nga nakabase ha Cagbolo village, Abuyog, Leyte.
Samtang gintukod na gihapon an fugitive recovery team nga ginkakalakipan han Provincial Police ngan personahe
han LRP agud nga mahalpat an inmate nga hi Jerecho Ebarle.
