Gin-aandam na han gobyerno han Tacloban an ayuda nga pagkaon nga igpapanhatag ha mga barangay.
Sumala han impormasyon nga nahikay han isumat.com, nagtikang na an panmutos han mga relief goods yana nga adlaw, Marso 23. Mayda 25 mil nga inisyal nga food packs an syahan nga aandamon para han relief operations kasumpay han epekto han COVID-19.
Ginklaro han CDRRMO nga initial batch pala ini nga 25 mil nga food packs ngan mayda pa masunod hini.
An City Social Welfare and Development Office in maghihimo naman hin assesment basi maseguro nga an syahan nga matatagan hini an prayoridad nga mga barangay. #
