ORMOC CITY, Leyte – Temporaryo nga nasuspendir an byahe han fastcraft nga Oceanjet 12 mahuman ini bumunggo ha pier han Ormoc dida han Lunes.
Nabaruan nga tipakadto unta an ruta ha Cebu an mao nga fastcraft.
Sumala kan Commander Lawrence Roque han Philippine Coastguard Eastern Visayas District, waray na nira tuguti nga magbyahe pa tungod han danyos nga naangkon hini.
Dugang pa ni Roque nga nakurian pag manuever an Ocean Jet 12 tungod han makusog nga hangin durot han malain nga panahon rason nga ini in bumunggo.
Nabaruan nga may ada sakay nga 210 ka pasahero an mao nga sarakyan.
Waray naman nahipatik nga samaran ha mao nga insidente.
Huhulaton daw han Philippine Costguard ( PSG ) an abiso han MARINA kon tutugutan ba nga magbyahe utro an Ocean Jet 12 mahuman an ira pagbubuhaton nga imbestigasyon.
Samtang, ginklaro han Commander han PCG Eastern Visayas District nga normal na an byahe han mga sarakyan pandagat ha pier han Ormoc. isumat.com
