Isumat.com/ Enero 6, 2023
Hi Atty Francis John Tejano, anay mayor han Mapanas, Northern Samar an gintudlok han Malakanyang nga Assistant Secretary han Department of Justice.
Subay han dokumento nga nahikay han IsumatNews, hadto pa han Disyembre 23, 2022 pinirmahan an appointment papers kan Tejano ni Presidente Ferdinand Marcos Jr, pero kakulop (Enero 5, 2023) la ini iginpasabot ha publiko.
Dida han papeles, an pagkapot ni Tejano han nasabi nga posisyon in co-terminus han nagtudlok ha iya.
An bag-o nga Justice Assistant Secretary in nagserbe komo alkalde han Mapanas hin tulo ka termino kun diin damo nga mahinungdanon nga proyekto an natindog didto han mao nga bungto.#
