Duha nga mga State Universities ha Rehiyon Otso an nagpasamwak hin pag suspender hin trabaho ngan klase komo kaparte han mga pitad ha pagpugong han paglarab han COVID-19.
An Eastern Visayas State University (EVSU) in nagpagawas han Memorandum No. 03-02-2020 nagmamando hin suspension han trabaho ngan klase dida hiton Marso 16, 2020 (Lunes) basi mag sanitize han mga classrooms, activity areas ngan mga opisina han unibersidad.
Ini nga kamanduan in nakakasakop han main campus han EVSU ha Tacloban sugad man an iba pa hini nga mga campus.
Samtang, an Biliran Province State University (BiPSU) in nag-anunsyo gihapon hin waray klase ha ira unibersidad tikang dida hiton Marso 12 tobtob Marso 15, 2020. Dida hini nga mga adlaw, an natutungdan nga mga personales han eskwelahan in maghihimo hin sanitation ha ira unibersidad. #
