Nagpapadayon an mga aftershocks nga natatabo ha mga lugar harani han Capoocan, Leyte.

Kanina han ala 1:12 han maagahon, Marso 11, nahi record han Phivolcs in magnitude 4.4 nga linog kun diin an epicenter hini in namumutang ha 2 kilometros Sur-Katungdan han Capoocan ug may kahilarom nga singko kilometros.

Gin-abat an mga pagbay-og dida han paghagrani nga mga bungto han Capoocan sugad man ha Cabucgayan, Biliran.

Ini nga mga aftershocks in natatabo dara na gihapon han naha-una nga makusog nga 5.7 magnitude dida han nasabi nga lugar sobra na usa ka semana an nakalabay. Tobtob han ginsusurat ini nga notisya, waray pa impormasyon kun mayda mga danyos kasumpay hini nga gibabag-uhi nga aftershock. #